Tuesday, April 28, 2009

Sa Yala Eke Voreqe – O Viti Me Suka Ve Ira Na Lewena

Sai Comment:
- Pass this to all freedom loving Fijians in all places, especially those in the villages and islands, in Fiji so Voreqe and his illegal regime can be brought to its knees once and for all.
Sa Yala Eke Voreqe – O Viti Me Suka Ve Ira Na Lewena
Below is the Fijian vernacular message that was distributed throughout Fiji was made by members of the discipline services who believe in INTEGRITY,HONESTY AND HONOUR.
We want to stop this MADNESS. Please let them know that we are all RFMF people under Voreqe, Mara, Driti and co. Also we are all experienced senior officers of the Police force under Teleni. Also senior and junior Navy officers under Kean. Let them know that we mean business. They should restore the 1997 constitution, or they shall perish. take the former option.
We want to restore lost HONOUR ,INTEGRITY and HONESTY in the UNIFORM. SA YALA EKE.
Eda vakanadakuya oqo e dua na Siga Ni Mate e rarawataki ka butobuto taudua ena keda I vola tukutuku na lewe I Viti, vakabibi o keda na Kawa I Taukei. Oqo ena nona sa mai basuraka ko Joseva Iloilovatu na yavudei ni vakavulewa (1997 Constitution) ka yavutu ni noda bula na lewe I Viti, vakabibi na veika e taqomaka kivei keda na Kawa I Taukei. E sega ni tiko ena vosa vakaviti na vosa me ganiti Iloilovatu, ia eda masuti ira ga na vanua o Vuda mera la’ki kauti koya lesu ki delaniyavu. E tiko mai dakuna ko Bainimarama, tamata vuli vakavo, dau caca veiwekani, ka dau buturaki keda sobu tiko na Kawa I Taukei. E vica tiko na Turaga ni Valu lecaika era tovaki Bainimarama tiko, e rau wili talega kina ko Ganilau kei Nailatikau.
Ko Iloilovatu, ena vakarusai Viti. Era na bula gogo na bisinisi, sega na cakacaka, malumalumu na I lavo, sega na kakana, kasura na veiqaravi vakamatanitu, ka na takali yani na vei wekani. Ia, ena vakatau kivei keda kece sara, meda solia na noda I gu, ka vorata na matanitu nei Iloilovatu.
Me da yalovata ka kaya vata kece oqo:

1. SA YALA EKE na neimami vei vosoti voli mai; sa oti na vei talanoa kei Bainimarama, se na vakarogoca na ka e kaya. Keimami na kovea lesu na vei liutaki ena gaunisala cava ga e votu mai kivei keimami. Keimami na masu vua na neimami Kalou, ka ia na yavavala, ena vala vata kei kemami ko Koya.
2. SA YALA EKE na vei waraki, keimami na sega ni waraka e dua tale me mai valataka na neimami dodonu; keimami na tekivutaka sara ga na Kawa I Taukei. Kevaka era veivuke mai na duikaikai se na vei matanitu tani, keimami na ciqomi ira, ke sega, keimami na ia ga vakataki keimami na Kawa I Taukei.
3. SA YALA EKE na neimami namaki ira na vei liutaki mera mai liutaki keimami ena yavala oqo, sa I keimami sara ga vakayadudua keimami bole ka duavata ena veika kece e dodonu me vakayacori. Ena tekivu yani e Suva , lakovata kei na tayabe ni kudru kei na sogo gaunisala ena veikoro, sogo rara ni waqavuka, sogo wavu ni kelekele ni waqa e Viti raraba. Ena paralase ko Viti me yacova ni keimami sa rawata na neimami I naki, oya me vakatikori tale na 1997 CONSTITUTION. Ni sa yaco na neimami I naki, ena kauta mai na vei lomani, tadola tale na veiwekani kei ira na vei matanitu e vuravura, ka totolo sara na veisau me sautu na neimami vanua.
4. SA YALA EKE na rere; keimami kawa ni tamata yalo qaqa, keimami sega ni rerevaka na vale ni vei vesu, na mavoa, se na mate. Ko ira na sotia kei ira na ovisa era neimami gone ka keimami kila nira sega ni vinakata mera vakamavoataka e dua na wekadra.. Ia, ke sa mani yaco na mavoa, keimami na sega ga ni soro. Keimami kaya kivei ira na neimami kawa: ‘For your tomorrow we gave our today.’
5. SA YALA EKE na beci keimami vakataki keimami, ka sa kena gauna oqo me keimami vakayagataka kina na kaukauwa levu e tiko kivei keimami yadudua. E vica na vei wekani era na keimami meca, ia, ena qai vakamaduataki ira ga na kedra I tukutuku rogorogo ca ena bula tu ena vei taba gauna kece sara mai muri, me vakataki Jutasa Isikarioti.
Na neimami I bole oqo, ‘SA YALA EKE.’

1 comment:

Children of Fiji said...

Vinaka vakalevu Sai for informing Fiji & its people.